ՄԱԿ-ի շրջակա միջավայրի ծրագրի և Գլոբալ էկոլոգիական հիմնադրամի կողմից ֆինանսավորվող «Կայուն կարողությունների զարգացում՝ Կենսաանվտանգության տեղեկատվական հարթակից արդյունավետ օգտվելու համար» Բնապահպանական ԾԻԳ-ի կողմից իրականացվող երրորդ ազգային ծրագրի շրջանակներում սույն թվականի մարտի 16-17-ին Ջերմուկ քաղաքում տեղի ունեցավ Կենսաանվտանգության տեղեկատվական հարթակի թեմայով 2-րդ ազգային սեմինարը։
Երրորդ ազզգային ծրագրի նպատակն է աջակցել Հայաստանին ժամանակակից կենսատեխնոլոգիայի արդյունքում ստացված գենետիկորեն ձևափոխված օրգանիզմների անվտանգ շրջանառության ապահովման, փոխադրման և օգտագործման կարողությունների հզորացման ապահաովման հարցում։ Այս առումով և համաձայն Կենսանվտանգության Կարթագենյան արձանագրության Հոդվածի 20-ի պատշաճ ազգային տեղեկատվության փոխանակման ընթացակարգերի միջոցով Կենսանվտանգության տեղեկատվական համակարգի ստեղծումն առաջնային խնդիր է:
Ծրագրի իրականացման ակնկալվող արդյունքներն են՝
- հասանելի դարձնել պարտադիր ազգային տեղեկատվությունը Կենսանվտանգության տեղեկատվական համակարգում՝ ի աջակցություն Կենսանվտանգության Կարթագենյան արձանագրության իրականացման,
- ապահովել որոշում կայացնողների և շահագրգիռ կողմերի տեղեկացվածությունը Կենսանվտանգության տեղեկատվական համակարգի մասին և այն օգտագործելու կարողությունը գենետիկորեն ձևափոխված օրգանիզմների ներմուծման կամ շահագործման վերաբերյալ հիմնավորված որոշումներ կայացնելու համար,
- բարձրացնել Կենսանվտանգության տեղեկատվական համակարգի տեխնիկական ասպեկտներում ազգային մակարդակով իրազեկվածությունը, աջակցել միջբուհական կոորդինացմանը և ինստիտուցիոնալ փորձի հարստացմանը որոշում կայացնողների, գիտական շրջանակների, հետազոտական հաստատությունների և առանցքային շահագրգիռ կողմերի համար,
- ստեղծել ազգային ներուժ Կենսանվտանգության տեղեկատվական համակարգի ուսուցանող միջոցառումների կամ դասընթացների պահպանման համար և
- նվազեցնել գենետիկորեն ձևափոխված օրգանիզմների կենսաբազմազանության համատեքստում ստեղծվող ռիսկերը ազգային մակարդակով բարելավված տեղեկատվական համակարգի շնորհիվ։
Սեմինարը վարեցին ՄԱԿ-ի շրջակա միջավայրի ծրագրի և Գլոբալ էկոլոգիական հիմնադրամի կողմից ֆինանսավորվող Կենսաանվտանգության 3-րդ ազգային ծրագրի տարածաշրջանային խորհրդատուներ Ալեքսեյ Տարասևը և Բելառուսի Գիտությունների ազգային ակադեմիայի Գենետիկայի և բջջաբանության համալսարանի Կենսաանվտանգության ինստիտուտի ազգային համակարգող կենտրոնի ղեկավար Գալինա Մոզգովան։
Սեմինարի նպատակն է ապահովել կարողությունների ամրապնդման միջոցառումների անցկացումը՝ թիրախավորելով շահակիցների կողմից Կենսաանվտանգության տեղեկատվական հարթակի օգտագործումը և զարգացումը, ինչպես նաև Հարթակում տեղեղկատվության տեղադրման գործընթացը։
Սեմինարին մասնակցեցին շրջակա միջավայրի նախարարության, Երևանի քաղաքապետարանի, կրթական հաստատությունների, գիտահետազոտական կենտրոնների, լաբարատորիաների, հասարակական կազմակերպությունների, մթերք արտադրող ընկերությունների ներկայացուցիչներ։
Օր 1
Օր 2
